صورتك ماتمثل شي عندي بدونك
والصور والرسايل ماتطفي لهيبي

ما احس بغرامك ياغلاي وفنونك
غير لاشفت زولك من عيوني قريبي

لاتلاقت عيوني ياحلو في عيونك
لانطقت بشافتك مرحبا ياحبيبي

ياجنوني غرامك ياغرامي جنونك
انت قسمت حياتي ياحياتي ونصيبي

ياحلاة انفعالك باالغرام وشجونك
ياشجوني ونبضي يا انفعالي وطيبي

اشهد اني احبك واتحمل طعونك
واتلذذ بهمك ياهمومي وعيبي

ياحبيبي احبك لاتفكر اخونك
لاتفكر اسيبك يادواي وطبيبي